عندما تكون الصلاة روتينا

يا تري يا جماعه الواحد اول ما بيبدأ صفحه جديده مع ربنا
بيبدأ يصلي ف الجامع جماعه
كل صلاه
اول اسبوع اتنين
وبعد كده يبدأ يكسل ويصلي ف البيت
وبعد كده يبدأ يصلي صلاتين مع بعض
وبعد كده يبدا يصلي واحده والتانيه لا
وبعد كده وليعاذ بالله يرجع زي الاول ما يصليش خالص
يا تري بقي الواحد يعمل ايه عشان يتخلص من كده ويفضل زي ما بدأ علي طووووووول؟؟؟؟؟؟

المشكله يا محمد ان احنا بنتقرب من ربنا لما نكون محتاجينه اوي
وحاسين ان مفيش حد بيساندنا او مش عايزين نتكلم مع حد
فبنصلي ونصوم ونحاول ان احنا نكفر عن زنبنا ونفس الحكايه ده في رمضان
الفجر والقران والتراويح حتي الناس اللي حواليك بتشجعك علي كده
اما في االايام العاديه الواحد بيبقي عايز يهزر وينزل ويبص علي البنات اللي ماشيه في الشارع
والاخر بعد كل ده بيقول
يعني بعد الذنوب دي هروح اصلي وكأني معملتش حاجة خلاااص مش هصلي علشان ده هيبقي نفاق
ويقول كمان هو انا بضحك علي نفسي ولا بضحك علي ربنا


علشان كده بترجع ريما لعادتها القيمه

انا خايف من كده يابو حميد
وحاسس ان اللي انا بعمله ده يمكن يكون رياء وخايف اوي من كده
ونفسي اصلي واعمل كل حاجه بس خايف لحسن ربنا ما يتقبلهاش
ربنا يستر
واهم حاجه اننا منعودش للذنوب اللي كنا بنعملها
واهم حاجه بقولك هي اصحابك هما اللي هيساعدوك علي الاستمرار او هيخلوك ترجع زي زمان وده اللي ما اتمناهوش
ابعد يا حمودي عن اصحابك اللي انت شايف انهم وحشين وجارينك معاهم ف الحاجات الوحشه اللي كانت بتتعمل زمان

الحمد لاله يا محمد انا عمري ما عرفت حد وحش
تاني حاجة مفيش حد بيعرف يأثر عليا
انا لنا بعمل حاجة بعملها بمزاجي

كمل يا ميدو فى احسن من الى شايفوا فيك

انا عارفك يا بحرو تعبان وبتعافر وحالتك تصعب علي الكافر

يعني ايه يا حسين اللي تقصده بالكلمه دي
يا ريت توضح اكتر
يمكن هو غلط ان الواحد يمتنع عن المعاصي مره واحده
مش عارف
بس متهيالي انها مش بتيجي بالتدريج
هي عايزه قرار حسام يغير حياتك
ولو رجعت تاني صدقني متلومش غير نفسك
وربنا يستر
وعايز منك توضيح يا سحس

طيب واللي كان طول عمره بيصلي و بيحفظ قران واول ما بدا يكبر
يسيب كل ده لاسباب هو مش عارفها لحد دلوقتي
يمكن الواحد ساعتها حس انه كبر علي الحاجات دي ولازم يبدا يعيش حياه الشباب و هو عنده 10 او 11 سنه

يارب

احنا اللى عاملين فى نفسنا كده.......يعنى كل واحد مننا فى السن ده المفروض يكون نضج وعقله كبر وعارف هو بيعبد ربنا ليه ......وايه اللى نعمله ومنعملوش ...... والمفروض ان الواحد يقتنع اكثر بدينه .......مش ان انا لقيت اهلى بيصلوا وبيصوموا ويعبدوا ربنا وخلاص فأعمل زيهم..........ده غلط المفروض الواحد يتعمق فى الدين يقرا عن المعجزات ......وسنة الرسول وسماحة الأسلام.........لان ده فعلا هيحببه فى الدين اكتر واكتر وهيخليه يصلى بأقتناع حب فى الله ورسوله مش أداء واجب.....ولا رياء
...........معلش ان كنت طولت عليكم ...........

ولا يهمك يا اتش
بس السؤال بقي
الواحد المفروض يعمل ايه
لما تبقي الصلاه روتين

هسألك سؤال يا ميدوا ....انت لو جيت تنام ومصلتش العشا......بتحس انك مقصر وبتعوز تقوم تصليها ولا عادى؟؟؟؟؟؟؟؟ لو جالك الأحساس ده....اعرف انك ما بتصليش روتين.........اما لو عادى وكبر وهصلى بكره فده يبقى روتين...............ده من رأى............لان اللى بحب يعمل حاجه وينسى يعملها بيزعل........اما الروتين فالناس بتحب تختصره وتبعد عنه ومبيبقاش مرغوب فيه