الكلام ده كتبته لما كنت في امتحان
و مش أي واحد حتى دا الميد تيرم كمان
مكنتش أعرف أي حاجة و قاعد زهقان
و مرحتش الكلية السودة دي من زمان
--------------------------------------
قررت إني أكتب يعني اللي أنا حاسس بيه
كان كلله قاعد يكتب و انا يعني حاعمل إيه ؟!
قعدت أضحك كتير بجد..أقولك ليه ؟
عشان ورق الامتحان كنت بكتب عليه
-------------------------------------
و في معظم الأحيان أنا كنت بكتب راب
مش عارف ليه يمكن عشان قريب مالشباب
أو يمكن عشان بيعبر عن الواقع الهباب
يعني بكتب اللي جوايا من غير حساب
------------------------------------
كنت باقعد في اللجنة كده قاعد و السلام
تعبان ...زهقان...و ممنوع الكلام
ساعات من كتر زهقي كنت أروح الحمام
و اطلع أتمشى شوية وانا باشتم في العلام
-------------------------------------
المهم الفترة دي كانت أيام الفشل
كان كل همي إني أستمر في الكسل
ومكنش ناوي أغير نفسي لو ايه اللي حصل
لو الدنيا تضرب تقلب أنا غرقان في العسل
-------------------------------------
و الصراحة برده كان في ظروف بتأثر فيا
مش عاوز أطول في الكلام و أقول ايه هيا
الخلاصة هيا مشاكل فرضت تأثيرها عليا
بس معظمها كان يعني...متاعب صحية
------------------------------------
المهم كفاية كده ..أصلي مش بحب أطول
لو مش فاهم كلامي إبدأ اقرا تاني مالأول
واحد كانت مشاكله مخلياه مدهول
قرر يكتب إحساسه ساعتها و بعدين يتحول
الأحد أبريل 13, 2008 12:02 pm
