دعواتك يا أمى
دعواتك يا أمى
تنورلى الطريق
تشيل عن قلبى همى
تهون كل شىء
تسع شهور فى بطنك
بدوق فيهم الحنان
لو أعيش وأموت فى حضنك
هقول عايز كمان
مهما تاخدنى الحياه
والعمر اتوه معاه
ارجعلك برضه تانى
طفل صغير برىء
لو اتعب تسهريلى
ما تملى الانتظار
وتشيلى هم ليلى
ف عنيكى اشوف نهار
وتحسى وجعى عنى
مانا منك وانتى منى
على طول دايما قريبه
تغنى عن ميت صديق
دعواتك هيا سندى
وعندى تسوى الدنيا
انا مين ف الدنيا قدى
لو انول رضاكى ثانيه
بمشى على نور كلامك
بعرف قيمه علامك
ادعيلى يا أمى دايما
لا أتوه ولا أكون غريق
mohamed el kbabgy