انتي اجمل ماشافت عيني اقولك اية انتي فرحة عمري وسنيني اقولك اية انتي كل الحياة ومعني الحياة يا بنت الايييييييييييييييييييييييييه
*****
إتأخرتْ عليكى ..؟
كنت بَلِم نجوم السما علشان أعملهم عُقْدْ ..
عقد يليق بأرق ملاكْ ..
وبأحلى بشر فى الأرضْ ..
واتغربت فْ قلب الكونْ ..
مليون نجمه بمليون لونْ ..
ما لْقيتْ نجمه تساوى عنيكى ..
اتاخرت عليكى ..؟
كنت بجيبلك صُحبة وردْ ..
ورغم البردْ ..
رحت جناينْ ..
زُرْتْ مداينْ ..
واتعذبت فْ ليل الشَّردْ .
ما لْقِيتْ ورده ف كل الدنيا ..
تستاهل تلمِسْها إيديكى ..
إتأخرتْ عليكى ..؟
*****
كنتْ بحاول ألاقى هديه ..
تليقْ بملاكى .
حاجه تساوى الحب ف قلبى ..
إللى إتمناكى .
بس إحترتْ ..
واما لقيتْ نفسى إتأخرتْ ..
قلت أجيلك من غير عقدْ ..
ومن غير وردْ ..
ياأغلى نجوم السما ..
وأرقْ زهورْ الأرضْ ..
مع تحياتي محمد الكبابجي(تيتانيك)