انسي ازاي يا امي

أجمل واحدة شافتها عنيك

انعم ايد لفت حوليك

اطيب قلب يقولك حاضر

مهما بتعصى .. وتقسى عليه

علشانك دايما بتخاطر

ودايما شايلاك جوه الخاطر

وبتتمنى تشوفك شاطر

وشايل كراريسك في إيديك

ده وانت صغير.

وانت كبير

دايما موجود فـ التفكير

أول واحدة تحس بجرحك

أول واحدة تهني فـ فرحك

تنسى ازاي
.........

أول لفظ خرج من فمك

اول مين بيحمل همك

اول حضن لجأت إليه

وآخر حضن تحن عليه

تنسى ازاي
..............
أول ايد ملمسها حرير

تمسح دمعك

وانت صغير .. وانت كبير

ومحدش سامعك

تنسى ازاي
............
مين بيودك ساعة الضيق

مين في طريقك أحن رفيق

تنسى ازاي
................
فاكر لما كنت بتبكي

ودموعك قدامك تجري

ومفيش حد غيرها يشيلك

زي الريح شايلة الطير

وتقولك يا حبيبي احكي

وهي ماسكالك منديلك

والحضن زي وسادة حرير

تقوم تنام من غير ما تحكي

وتغمض عينك بضمير

تنسى ازاي
شكرا يا امي محمد الكبابجي(تيتانيك)

جميل اوي يا محمد
بس انت شكلك عامل معلقااااااات
لكن انا كل اللي امتلكه
4 او 5 قصايد
.........شكلك هتفوز بالمنافسه
.......................
ولا اقولك ....ربما ال 5 بتوعي يكسرو الدنيا
..........بس بجد برافو يا محمد
................. مفيهوش اخطاء

هههههههههههههههههههههههههههههههههههه انت يا بني عايش في اي عصر الشعر بيتقدم انا كل ما اروح الكلية الاقي يافطة مكتوب عليها البلد بتتحرك نفسي اعرف هتروح فين ارجوووووووووووك اتحرك زي البلد

يمكن عندك البلد بتتحرك
بس انا اتلاقيت الورق بتاع شعري وهتشوووووووف

انا مستنيك يا ميووووووووووووووووووووووووووووو انت ااي جبته لنفسك ههههههههههههههههههههههههههههههههههههههههههههههه

انتي عاجبك اجزاء واجزاء هههههههههههههههههههههههه شكرا

موحوله كويسه يا محمد ويارب نشوف حاجات كمان واشعار جامه كمان
احمد هلش

انا قلت رايي
لكن انا بعتذر الفتره الجايه دي انا مش فاضي اكتب شعر
فعشان كده
هبقي احط من اللي كنت بكتبه ايام الثنوي
اعذروني