حـــــب من طرف واحـــــد

فعلا باين انه حب لكن واضح انه حب من طرف واحد مش من طرفين وده اسوأ انواع الحب وده على اعتبار ان الحب انواع

بس في الحب من طرف واحد شيء جميل فعلا انه الانسان بيتخيل حبيبته معاه على طول علشان يعوض شيء ناقص عنده "وده بيربي فيه ملكة التخيل" بس عادة بيقلب في الآخر بأمراض نفسيه لو كان الانسان ضعيف في تقديره للأشياء

طيب مهو لو جينا نتكلم هنقول انه اللي يلاقي حب وميحبش يبأه انسان غبي مش كده برضه وده معناه ان الانسان اللي بيحب من طرف واحد ده ليه حالتين

يااما اللي بيحبها دي ياعيني هيه كمان واقعه في حب بس حب تاني ومش رايقاله خالص

يااما هيه مش شايفه حبه ليها اصلا ولو شافته وحسته اكيد هتحس بيه وهتحبه لإن زي ماقلنا اللي يلاقي حب وميحبش يبأه انسان غبي لإن الحب مش بييجي للواحد كل يوم

طبعا الحاله الاولانيه دي مشكلتها منتهية يعني الموضوع مفروغ منه بس يحاول يعرف الشخص لو هوه بيحبها وهنا هنقسمه لحالتين

ياما ان اللي بيحب من طرف واحد ده انسان عاقل وهيفكر في الشخص التاني ولو كان انسان كويس هيدعيلهم بالتوفيق ولو كان انسان سيء هيحاول يبعده عن طريقه بس بعقل

يااما انسان مجنون وساعتها هيقتله ويخلص نفسه ويادار مادخلك شر

اما الحاله التانية فدي اللي الامل فيها كبير وهنا برضه هنقسمها لحالتين

ياما الانسان هيبأه انسان مغرور وساعتها غروره هيمثله انه ليه هوه اللي يبين مشاعره ويحسسها انه ملهوف عليها ميستنى وتيجي منها وده للأسف انسان مريض نفسيا ياعيني عايز يتعالج

يااما انسان عادي وده الافضله انه يعمل المستحيل علشان يبين لها حبه ليها لإنها لو حسته هيبأه الحب عادي وهيكون من طرفين

Admin عدد الرسائل : 253 تاريخ التسجيل : 18/02/2008

نصيحة
انا عن نفسى لو لقيت نفسى فى الموقف دا بنسحب على طوووووووووووووووول
لية لانى بحس انى رخيص اوى
وهى احسن منى وانا بتزلل لها
ودى صفة الحمد لله مش فيا
لو بتحب واحدة ومش حاسس انها بتحبك فكك منها
مترخص نفسك
و متفقدتش الثقة فى نفسك اكيد حتلاقى الى يحبك ويقدرك

عدد الرسائل : 8 العمر : 34 تاريخ التسجيل : 12/06/2008

بيحصل كتير ان الواحد يحب واحدة وهي ماتكونش حاسة بيه او العكس وفي الحالة دي لازم نبعد علشان
ما نعلقش نفسنا باوهاام